வரவு அஞ்சுலட்சம்,செலவு ஒத்த உசிர்..

புதுபோட் வாங்கினதுக்கு ஒரு லட்சம்

மூணு மாசத்தில் அறுந்த வலைகளுக்கு

மொத்த செலவு அம்பதாயிரம்

பெரியக்கா கல்யாணக் கடன் ரெண்டு லட்சம்

ரெண்டு பேருக்கும் கான்வண்ட் ஸ்கூல் பீஸ் எட்டாயிரம்

போட்டோக்கு மாலை போட்ட பெரிய மனுசங்களுக்கு

கறிசோறு ரெண்டாயிரம்,காபி டீ ஐநூறு

கலைஞர் டிவி கேபிளுக்கு மாசம் இருநூறு

பட்டியல் வளர்ந்துகொண்டே இருந்தது

“கருவாட்டை கொண்டுபோய் விக்க சொன்னேன்ல”

அம்மா கோவத்துடன் முதுகில் அடித்ததில்

நழுவி விழுந்த பென்சில் ரெண்டாய் உடைந்தது

அப்பா அடிக்கடி சொல்வாரு தலையிலடிச்சிகிட்டே

“இந்த தொழிலுக்கு வராதீங்கடா படிச்சி வேலக்கி போங்க”

ஹ்ம்ம் அவரு அங்கேருந்து பாப்பாரா?

முணுமுணுத்துக் கொண்டே கூடையை தூக்கியவள்

உடைஞ்ச பென்சிலுக்கு அஞ்சு ருபாய் சேர்க்கவே இல்லை.